Demo

As novas da Mostra

Toda a actualidade da MITCFC, para que non te perdas ningunha información sobre os nosos espectáculos, eventos e demais actividades.

 

  • danza 0017 Escanear-
  • danza 0016 Escanear-
  • danza 0015 Escanear-
  • danza 0014 Escanear-
  • danza 0013 Escanear-
  • danza 0012 Escanear-
  • danza 0011 Escanear-
  • danza 0010 Escanear-6b
  • danza 0009 Escanear-6c
  • danza 0008 Escanear-
  • danza 0007 Escanear-7b
  • danza 0006 Escanear-
  • danza 0005 Escanear-8b
  • danza 0004 Escanear-
  • danza 0003 Escanear-
  • danza 0002 Escanear-
  • danza 0001 Escanear-
  • danza 0000 Escanear-
  • MITCFC
  • Novas
  • Comunicado conxunto de apoio á compañeira Iria Pinheiro

Comunicado conxunto de apoio á compañeira Iria Pinheiro

A Academia Galega do Audiovisual (AGA), a Asociación Galega de Guionistas (AGAG), a Asociación de Profesionais da Dirección e da Realización de Galicia (CREA), a Asociación Galega de Produtoras Independentes (AGAPI), a Asociación de Mujeres Cineastas y de Medios Audiovisuales (CIMA),  a Asociación Galega de Empresas de Artes Escénicas (Escena Galega), a Asociación Galega de Dramaturxia(Dramaturga), o Cluster Audiovisual Galego e a Mostra Internacional de Teatro Cómico e Festivo de Cangasqueren amosar o seu apoio e solidariedade á actriz Iria Pinheiro, que -segundo advertiu o pasado venres o medio Sermos Galiza- vén de presentar unha denuncia penal no Xulgado de Garda número 3 de Santiago de Compostela na que describe unha presunta situación continuada de acoso.

Cómpre aceptar a parte de culpa que a todas e a todos nos corresponde, como colectivo profesional e como sociedade, na sensación de impotencia e de desamparo que describe a actriz e é preciso poñerse inmediatamente a traballar na construción das ferramentas necesarias para evitar que este tipo de situacións poidan producirse no futuro.

Propoñemos, neste sentido, iniciar un proceso de reflexión colectiva que no medio prazo permita dotármonos dos recursos precisos para axudar de xeito efectivo a outras mulleres que poidan vivir situacións como a descrita pola compañeira Iria Pinheiro. A adopción de protocolos para a prevención do acoso sexual e para a actuación en caso de denuncia ou a selección de profesionais especializadas neste tipo de agresións son algunhas das medidas que consideramos máis urxentes e necesarias.

A cultura en xeral, e o audiovisual en particular, deben acompañar o mandato social de defensa dos dereitos das mulleres que tan claramente se escoitou o pasado 8 de marzo nas rúas. Probablemente, non estea nas nosas mans eliminar de xeito inmediato o acoso sexual na industria ou na sociedade, pero correspóndenos asumir a responsabilidade de dar os pasos precisos para que este cambio se produza o antes posible.