Demo

As novas da Mostra

Toda a actualidade da MITCFC, para que non te perdas ningunha información sobre os nosos espectáculos, eventos e demais actividades.

 

  • danza 0017 Escanear-
  • danza 0016 Escanear-
  • danza 0015 Escanear-
  • danza 0014 Escanear-
  • danza 0013 Escanear-
  • danza 0012 Escanear-
  • danza 0011 Escanear-
  • danza 0010 Escanear-6b
  • danza 0009 Escanear-6c
  • danza 0008 Escanear-
  • danza 0007 Escanear-7b
  • danza 0006 Escanear-
  • danza 0005 Escanear-8b
  • danza 0004 Escanear-
  • danza 0003 Escanear-
  • danza 0002 Escanear-
  • danza 0001 Escanear-
  • danza 0000 Escanear-
  • MITCFC
  • Novas
  • A MITCFC - Mulleres en Acción súmase ao manifesto da folga feminista do 8M e apoia as súas reivindicacións

A MITCFC - Mulleres en Acción súmase ao manifesto da folga feminista do 8M e apoia as súas reivindicacións

Queremos participar activamente desta data histórica na que, por primeira vez, todas as mulleres do planeta, TODAS, planifican unha folga xeral que vai moito máis aló do sectorial, porque, como esta Mostra vén manifestando desde hai vinte anos, as mulleres non somos un colectivo marxinado máis, sexa por razóns de discapacidade, identidade sexual ou raza, senón que somos a metade da humanidade, unha metade que sofre brecha salarial, precariedade, teito de cristal, falta de representatividade en cargos de poder e decisión, feminicidios, violacións, acoso e malos tratos. En resumo, machismo en todo o seu esplendor.

Cremos que a cultura e, en particular, as artes escénicas son aliadas absolutas da Igualdade. O teatro é unha ferramenta artística e pedagóxica de primeira orde que pode axudar a impulsar un modelo de sociedade libre deses estereotipos de xénero tan perniciosos como estendidos no sector audiovisual e teatral nos que, ademais, as protagonistas femininas brillan pola súa ausencia.

Non deixa de ser un paradoxo que o sector cultural tardase tanto tempo en decatarse da gravidade do problema e non o denunciase, alto e claro, a través das asociacións profesionais ou da propia creación artística. Pero, pese a todo, somos optimistas. Son moitos os anos que as mulleres de todas as idades, recunchos da terra ou procedencia social, levamos traballando conxunta, pacífica e incansablemente para mudar esta situación.

Rematamos convidando ás profesionais do teatro a realizar a lectura do manifesto da convocatoria internacional de folga antes das representacións teatrais. Ao resto do sector cultural, incluídas espectadoras e consumidoras de cultura, a que se mobilicen como lles sexa posible, desde realizar paros parciais, concentracións e manifestacións ata facer folga de 24 horas, laboral, coidados e consumo ou, sinxelamente, a colgar un mandil nas fiestras e balcóns. Trátase de demostrar que, sen as mulleres, non haberá paz nin futuro posible para unha sociedade que se chame democrática e igualitaria.

Acceso ao manifesto:   https://folgafeminista.org/manifesto-folga-feminista/