Demo

As novas da Mostra

Toda a actualidade da MITCFC, para que non te perdas ningunha información sobre os nosos espectáculos, eventos e demais actividades.

novas

Pola defensa da liberdade de creación

Desde a Mostra Internacional de Teatro Cómico e Festivo de Cangas (MITCFC) queremos manifestar a nosa absoluta repulsa ás anacrónicas críticas que se lle están a facer ao dramaturgo galego Carlos Santiago e ao pregón co que inaugurou o Antroido de Santiago de Compostela. Expresamos o noso apoio total ao autor e á liberdade de expresión. Resulta insólito, casposo e ridículo que, aínda hoxe, haxa quen pense que  é delito facer humor. 

O CCG e a Xunta realizarán o informe sobre a realidade sociolaboral da muller no sector impulsado pola AAAG, AGA, Escena Galega e a Mostra de Cangas

O Consello de Cultura Galega (CCG) e a Xunta de Galicia colaborarán na elaboración dun informe sobre as condicións sociolaborais da muller no sector cultural, prestando especial atención ao ámbito das artes escénicas e audiovisuais. Así quedou recollido nun acordo de colaboración institucional asinado o pasado martes polo vicepresidente da Xunta, Alfonso Rueda; o conselleiro de Cultura, Román Rodríguez, e o presidente do CCG, Ramón Villares.

A sinatura deste convenio culmina ao fin o longo proceso no que estiveron implicadas nos dous últimos anos a Asociación de Actores e Actrices de Galicia (AAAG), Escena Galega, a Academia Galega do Audiovisual (AGA) e a Mostra de Cangas, que en múltiples reunións coa secretaria de Igualdade, Susana López Abella, coincidiron tanto na necesidade de abordar e analizar a realidade sociolaboral da muller nas artes escénicas e no audiovisual coma no compromiso destas catro entidades en colaborar e impulsar un estudo sociolóxico con perspectiva de xénero. Tal compromiso foi asumido e celebrado por López Abella, quen durante a Mostra Internacional de Teatro de Cangas (MITCFC) de 2016 anunciou no marco das xornadas Mulleres en Acción a elaboración deste informe.

A MITCFC con Barcelona

Barcelona, cidade amiga, cidade aberta, cosmopolita e popular, onde conviven as máis diversas culturas é hoxe vítima da intolerancia, da incultura e do terror. Desde a MITCF de Cangas queremos enviar unha aperta fraternal e solidaria a toda a súa cidadanía. Hoxe máis que nunca #TotsSomBarcelona.

'Incendios', a gran actuación do teatro amador de Cangas

O movemento teatral de Cangas, conformado por compañías profesionais, grupos escolares e afeccionados, asociacións culturais e veciñais e un público activo que ten no teatro unha das súas prioridades de ocio, forneceu a creación dunha Escola Municipal que estabilizase e consolidase a relación Cidadanía-Teatro. A EMAEC, pola que xa pasaron 300 alumnos, nace no 2008 co obxectivo de achegar o coñecemento da práctica teatral e mostrar ao público ese traballo coa posta en escena de obras interpretadas polo alumnado, da man do equipo pedagóxico, técnico e artístico de Teatro de Ningures. 

Debate sobre o Estatuto do Artista e o Traballador da Cultura

A 34 edición da Mostra Internacional de Teatro Cómico e Festivo de Cangas acolleu o encontro informativo sobre o Estatuto d@s Artistas entre as asociacións profesionais das artes escénicas e audiovisuais de Galicia e Iñaki Guevara, Secretario Xeral da Unión de Actores e Actrices, sindicato estatal promotor do Estatuto. Ao longo de case dúas horas, Iñaki Guevara estivo reunido con representantes da AAAG (Asociación de Actores e Actrices de Galicia), AGA (Academia Galega do Audiovisual), CREA (Asociación de Realizadores e Directores de Galicia), DramaturGa (Asociación de Dramaturxia Galega) e FAETERA (Federación Estatal de Asociacións de Empresas de Teatro e Danza).